- वि.सं २o८१ बैशाख ३१ सोमबार
संसद् विघटनविरुद्ध राजनीतिक, संवैधानिक र कानूनीरुपमा प्रतिवादमा उत्रेको नेकपाको पुष्पकमल दाहाल प्रचण्ड–माधवकुमार नेपाल समूहको स्थायी कमिटी बैठक आइतबार बस्ने भएको छ । शुक्रवार काठमाडौंमा भएको शक्ति प्रदर्शनको समीक्षा, आन्दोलनका आगामी कार्यक्रमको तयारी र संगठनात्मक जिम्मेवारी बाँडफाँडलगायतका विषयमा छलफल गर्न बैठक बस्न थालेको हो ।
प्रवक्ता नारायणकाजी श्रेष्ठले स्थायी कमिटी बैठक आइतबार साढे १२ बजे बस्ने जानकारी दिए । शनिबार केन्द्रीय कार्यालय पेरिसडाँडामा स्थायी कमिटी सदस्यहरूबीचमा पार्टीको ९ पुसको विरोधसभाको समीक्षा र आगामी कार्यक्रमबारे सामान्य छलफल भएको उनले बताए ।
आइतबार थप एजेन्डासहित स्थायी कमिटीको औपचारिक बैठक बस्ने उनले जानकारी दिए ।
