- वि.सं २o८१ बैशाख २४ सोमबार
नेपाली राष्ट्रिय क्रिकेट टोलीका पूर्वकप्तान पारस खड्कालाई कोरोना संक्रमण भएको छ । खड्काले आफूलाई कोरोना संक्रमण भएको जानकारी सामाजिक सञ्जालमार्फत दिएका हुन् ।
पूर्वकप्तान खड्काले शुक्रबार बिहान पिसिआर परीक्षण गराएका थिए । पूर्वकप्तान खड्का शनिबारदेखि चितवनमा सञ्चालन हुने गौतम बुद्ध कप क्रिकेट प्रतियोगिताको तयारीमा रहेका थिए ।
कोरोना पुष्टि भएपछि उनले उक्त प्रतियोगिता गुमाउने अवस्था बनेको छ । हाल उनी चिकित्सकको सल्लाहअनुसार होम आइसोलेसनमा बसेका छन् । उनले आफ्नो स्वास्थ्य अवस्था सामान्य रहेको जानकारी गराएका छन् ।
यसअघि नेपाली क्रिकेट टोलीका कप्तान ज्ञानेन्द्र मल्लसहित क्रिकेटर सन्दीप लामिछाने, उपकप्तान दीपेन्द्रसिंह ऐरी, रोहितकुमार पौडेल र वसन्त रेग्मीलाई कोरोना संक्रमण भएको थियो । उनीहरू कोरोनामुक्त भइसकेका छन् ।
