चितवनमा एकजना कोरोना संक्रमितको मृत्यु भएको छ । भरतपुर अस्पतालमा उपचाररत कालिका नगरपालिका– ७ जुटपानीका ६२ वर्षीय पुरुषको आज बिहान मृत्यु भएको अस्पतालका सूचना अधिकारी लीलाधर पौडेलले जानकारी दिए ।
असोज १६ गते कोरोना संक्रमणसहित उनी भरतपुर अस्पतालको कोभिड आइसियूमा भर्ना भएका थिए । उनमा खोकी र श्वासप्रश्वासको समस्या देखिएको अस्पतालले जनाएको छ । याेसँगै कोरोनाका कारण चितवनका मात्रै २४ जनाको मृत्यु भएको छ ।