Read Time : < 1 मिनेट
२o८१ जेठ १ मंगलबार १६:२७:oo
पछिल्लो २४ घन्टामा ३३ सय सातजना संक्रमित निको भएर डिस्चार्ज भएका छन् ।
यो अवधिमा १४ हजार सात सय ३९ जनाको नमुना पिसिआर विधिबाट परीक्षण गरिएको स्वास्थ्य तथा जनसंख्या मन्त्रालयले जनाएको छ । यो परीक्षण अहिलेसम्मकै बढी हो ।
परीक्षणमा २७ सय २२ जना नयाँ संक्रमित थपिएको मन्त्रालयका प्रवक्ता डा. जागेश्वर गौतमले बताए ।
योसमेत देशभर हालसम्म संक्रमित हुनेको संख्या ८२ हजार चार सय ५० पुगेको छ ।
त्यसगरी हालसम्म ६० हजार ६ सय ९६ जना संक्रमित निको भइसकेको मन्त्रालयले जनाएको छ ।
संक्रमित निको हुने दर ७३.६ प्रतिशत रहेको गौतमले जानकारी दिए ।
हाल सक्रिय संक्रमित भने २१ हजार दुई सय ३४ जना छन् ।