- वि.सं २o८१ बैशाख ३१ सोमबार
इन्डियन प्रिमियर लिग (आइपिएल) क्रिक्रेटमा सट्टेबाजी खेलाएको आरोपमा तीनजना पक्राउ परेका छन् । पक्राउ पर्नेमा मोरङको विराटनगर महानगरपालिका– १५ का ३८ वर्षीय मुन्ना भन्ने सत्यजित साह, विराटनगर– १७ का ४२ वर्षीय जगदीश र ३८ वर्षीय वैजनाथ साह छन् ।
प्रहरीका अनुसार उनीहरूले आइपिएलमा कसले कति रन बनाउँछ, को आउट हुन्छ, कसले जित्छ र हार्छ भन्नेमा अनलाइनमार्फत सट्टेबाजी खेलाउँदै आएका थिए । मंगलबार राति सट्टेबाजी सञ्चालन गरिरहेको अवस्थामा पक्राउ परेका उनीहरूको साथबाट प्रहरीले मोबाइल, ल्यापटप र साठी हजार नगद पनि बरामद गरेको छ ।
पक्राउ परेका तीनैजनालाई जुवा नियन्त्रण ऐनअनुसार कानुनी कारबाही प्रक्रिया अघि बढाएको मोरङ प्रहरीले जनाएको छ ।
