- वि.सं २o८१ जेठ १ मंगलबार
सत्तारुढ दल नेपाल कम्युनिस्ट पार्टी (नेकपा)का दुई अध्यक्ष केपी शर्मा ओली र पुष्पकमल दाहाल प्रचण्डबीचको छलफल सकिएको छ ।
प्रधानमन्त्रीनिवास बालुवाटारमा भएको छलफल मन्त्रिपरिषद् पुनर्गठनमा केन्द्रित रहेको स्रोतले जनाएको छ ।
प्रचण्डनिकट स्रोतका अनुसार छलफलले कुनै निष्कर्ष भने निकाल्न सकेको छैन ।
छलफलले ठोस निष्कर्ष आउने गरी कुनै टुंगो भने लगाउन नसकेको जनाइएको छ ।
सोमबार बस्न तय भएको मन्त्रिपरिषद्को बैठक आजका लागि बोलाइएको र सोअघि अध्यक्षद्वय छलफलमा जुटेका थिए ।
नेकपाको केही दिनअघि भएको सचिवालय बैठकले मन्त्रिपरिषद् हेरफेर गर्ने निर्णय गरेको थियो ।
