- वि.सं २o८२ भदौ २३ सोमबार
प्रधानमन्त्री केपी ओलीको गृहनगर दमकमा भ्रष्टाचारविरुद्ध आन्दोलन उग्र बनेको छ । युवाहरूले दमक नगरपालिकाको कार्यालय नै कब्जा गरेका छन् । पछि बल प्रयोग गरेर सुरक्षा निकायले प्रदर्शनकारीलाई नगरपालिका कार्यालयबाट बाहिर निकालेका छन् ।
आन्दोलनकारीहरू उग्र बनेपछि सुरुमा प्रहरी पछि हटेको थियो । प्रहरी हटेपछि स्थानीयले नगरपालिकामा रहेका केही मोटरसाइकलसमेत जलाएका छन् ।
सुरुमा प्रहरीले आन्दोलन रोक्न गोली र अश्रुग्यास प्रहार गरेको थियो । प्रहरीको गोली लागेर एक ना घाइते भएका छन् । उनको दमक अस्पतालमा उपचार भइरहेको छ। पछिल्लो समय सुरक्षाकर्मीले प्रदर्शनकारीलाई तितरबितर बनाएका छन् ।
भ्रष्टाचारविरुद्ध सोमबार देशैभरि जेन–जी पुस्ताले आन्दोलन गरिरहेका छन् ।
