- वि.सं Invalid date format
सरकारले नेपाल बिमा प्राधिकरणको अध्यक्ष नियुक्ति प्रक्रियाका लागि तीन सदस्यीय सिफारिस समिति गठन गरेको छ । सोमबार बसेको मन्त्रिपरिषद्को बैठकले अध्यक्ष नियुक्तिका लागि सिफारिस समिति गठन गरेको हो ।
समिति संयोजकमा राष्ट्रिय योजना आयोगका उपाध्यक्ष प्राडा शिवराज अधिकारी छन् भने सदस्यमा अर्थ सचिव घनश्याम उपाध्याय र विज्ञ सदस्यमा डा. खोमराज खरेल छन् ।
यसअघि १२ फागुनमा प्राधिकरणका अध्यक्ष नियुक्ति भएका शरद ओझाको योग्यता र कार्यक्षमता नपुगेको देखिएपछि सरकारले २ भदौमा उनलाई बर्खास्त गरेको थियो ।
त्यसपछि अध्यक्षको जिम्मेवारी अर्थ मन्त्रालयका सहसचिव सेवन्तक पोखरेललाई दिइएको छ । त्यसपछि सोमबार मन्त्रिपरिषद्ले सिफारिस समिति बनाएको हो । अब सिफारिस समितिले अध्यक्ष नियुक्तिका लागि प्रस्ताव आह्वान गर्नेछ ।
