गाजा ‘भोकमरीमा परेका मानिसहरूको चिहान’मा परिणत भइरहेको छ : युएनआरडब्लुए

गाजा बालबालिका र भोकमरीमा परेका मानिसहरूको चिहान बनेको युएनआरडब्लुएका प्रमुख फिलिप लाजारिनीले बताएका छन् । उनले तेल अभिवले गाजामा ‘क्रूर र माकियाभेलियाली योजना’ निर्माण गरिरहेको बताएका छन् ।

हालै गाजाको सरकारी कार्यालयले संयुक्त राज्य अमेरिका र इजरायल समर्थित जीएचएसद्वारा सञ्चालित खाद्य सहायता वितरण स्थलहरूको पर्खाइमा रहेका बेला २७ मेदेखि अहिलेसम्म कम्तीमा आठ सय प्यालेस्टिनीको मृत्यु भएको र पाँच हजार १०१ जना घाइते भएको बताएको छ । ‘हाम्रो बुझाइमा गाजा बालबालिका र भोकमरीमा परेका मानिसहरूको चिहान बनेको छ,’ लाजारिनीले एक्समा लेखेका छन् । 

उनले भनेका छन्– उनीहरू गाजाबाट बाहिर निस्कने कुनै उपाय छैन । तिनीहरूको छनौट भोकमरी वा गाली लागी हुने दुई मृत्युमध्ये एक हो । यो हत्या गर्ने सबैभन्दा क्रूर र म्याकियाभेलियाली योजना हो ।

‘गाजामा पूर्ण दण्डहीनतामा हाम्रा मूल्य र मान्यतालाई गाडिएको छ । अकर्मण्यताले थप अराजकता ल्याउनेछ । काम गर्ने समय अतिदेय छ,’ उनले भने । 

अल जजिराका अनुसार मध्य गाजाको देइर अल–बलाह शहरमा बिहीबार इजरायली सेनाले पोषण पूरक आहारको लागि लाइनमा बसेका नौ बालबालिका र चार महिलासहित १५ जनाको हत्या गरेपछि लाजारिनीको यो टिप्पणी आएको हो। 

संयुक्त राष्ट्रसङ्घीय मानव अधिकार कार्यालयका प्रवक्ता रविना शमदासानीले मेदेखि ७ जुलाईको बिचमा संयुक्त राष्ट्रसङ्घले गाजामा सहायता केन्द्रनजिक ७९८ जनाको हत्या भएको जानकारी दिए । 

इजरायली सैनिक र जीएचएफमा काम गर्ने अमेरिकी ठेकेदारहरूले खानाका लागि भेला भएका निहत्था प्यालेस्टिनीहरूलाई गोली हानेको स्वीकारेका थिए ।

अल जजिराका गेब्रियल एलिजोन्डोले विश्व खाद्य कार्यक्रम (डब्लुएफपी)का उपकार्यकारी निर्देशक कार्ल स्काउले गाजाको अवस्था अहिलेसम्मकै सबैभन्दा खराब भएको जानकारी दिएका थिए । 

गाजाको आफ्नो चौथो भ्रमणबाट भर्खरै फर्केका स्काउले डब्लुएफपीसँग गाजाको सम्पूर्ण जनसङ्ख्यालाई दुई महिनाका लागि खुवाउन पर्याप्त खाद्यान्न रहेको तर ट्रकहरूभित्र जान नदिएको बताए ।