- वि.सं Invalid date format
हत्या आरोपमा दोषी ठहर भई फरार रहेका दुईजनालाई प्रहरीले २४ वर्ष आठ महिनापछि पक्राउ गरेको छ।
पक्राउ पर्नेमा म्याग्दीको धौलागिरी गाउँपालिका–३ बस्ने ५० वर्षका दुर्गानारायण बुढा र सोही स्थान बस्ने ४९ वर्षका पर्सबहादुर बुढा रहेका गण्डकी प्रदेश प्रहरी कार्यालय पोखराका प्रहरी वरिष्ठ उपरीक्षक कृष्णबहादुर पल्ली मगरले जानकारी दिए।
२८ कात्तिक २०५७ मा हालको धौलागिरी गाउँपालिका–३ बस्ने २४ वर्षका गर्ने पाइजा मगरलाई घरको पिँढीमा बाँधी बन्चरो प्रहार गरी हत्या गरेर फरार रहेका उनीहरूलाई प्रहरीले पक्राउ गरेको हो।
फरार रहेका दुईमध्ये पर्सबहादुरलाई जिल्ला अदालत म्याग्दीले २५ फागुन ०५९ र दुर्गा नारायणलाई २६ असोज २०६६ मा २० वर्ष कैद सजाय तोकेको थियो।
विशेष सूचनाको आधारमा गण्डकी प्रदेश प्रहरी कार्यालय पोखराबाट खटिएको प्रहरी टोलीले दुवैलाई शनिबार काठमाडौं तारकेश्वर नगरपालिका–१ मा लुकीछिपी बसेको अवस्थामा पक्राउ गरी फैसला कार्यान्वयनको लागि आइतबार जिल्ला प्रहरी कार्यालय, म्याग्दी पठाएको प्रहरी वरिष्ठ उपरीक्षक मगरले जानकारी दिए।
