- वि.सं Invalid date format
सल्यानको कपुरकोट गाउँपालिका– ३ चोरखोलानजिकै पहिरो जाँदा राप्ती राजमार्ग गएरातिदेखि अवरुद्ध भएको छ। राप्ती राजमार्गअन्तर्गत कपुरकोट–दाङ सडकखण्डको चोरखोलामा वर्षापछि आएको पहिरोले सडकपूर्ण रूपमा अवरुद्ध भएको जिल्ला प्रहरी कार्यालय सल्यानले जनाएको छ।
सडकमाथिबाट आएको ठुलो पहिरोका कारण पहिरो हटाउन समय लाग्ने जिल्ला प्रहरी कार्यालय सल्यानका प्रहरी निरीक्षक रेशमबहादुर खत्रीले जानकारी दिए। प्रहरी र सडक विभागको टोली पहिरो स्थलमा राति नै पुगेर पहिरो हटाउने कार्य भइरहेको उनकाे भनाइ छ। चोरखोलामा निरन्तर पहिरो जाँदा पटक–पटक राजमार्ग अवरुद्ध हुँदै आइरहेको छ । सडक अवरुद्ध हुँदा यातायातका साधन बिचबाटो नै अलपत्र परेका छन्।
