- वि.सं २o८२ जेठ २५ आइतबार
पौडी खेल्ने क्रममा सुनकोशीले बगाउँदा काभ्रेपलाञ्चोकको तेमालमा एक युवकको मृत्यु भएको छ। आइतबार बिहान २४ वर्षीय साजन वाइबाको मृत्यु भएको हो ।
तेमाल गाउँपालिका– ३, चुखाबेँसीस्थित बृहत् खानेपानी आयोजनाको ट्यांकी निर्माणमा उनी खटिँदै आएका छन्। आइतबार बिहान साढे नौ बजे सुनकोशीमा पौडी खेल्न गएकोमा उनलाई बगाएको थियो। करिब ५० मिटर तल उनको शव भेटिएको जिल्ला प्रहरी कार्यालय, काभ्रेपलाञ्चोकका डिएसपी मीनबहादुर घलेले बताए।
