- वि.सं Invalid date format
आइसिसी महिला टी– २० विश्वकप एसिया छनोटअन्तर्गत सुपर– ३ मा युएईले नेपाललाई ११५ रनको लक्ष्य प्रस्तुत गरेको छ। थाइल्यान्डको टेर्डथाई क्रिकेट मैदानमा टस हारेर ब्याटिङ गरेको युएईले निर्धारित २० ओभरमा सात विकेट गुमाउँदै ११४ रनकाे लक्ष्य दिएको हो।
युएईका लागि कप्तान इशा ओजाले सर्वाधिक ३९ रन बनाइन्। तीर्थ सतिशले २१, हिना होटचन्दनीले २० र लाभन्या केनीले १२ रन बनाए। नेपालका लागि मनीषा उपाध्यायले चार, कविता कुँवरले दुई तथा राजमती ऐरीले एक विकेट लिए।
यो खेलमा जित निकाल्ने टोलीले आइसिसी महिला विश्वकपको ग्लोबल छनोटमा स्थान बनाउनेछ । त्यसैले दुवै टोली जित्नैपर्ने दबाबमा छन्।
