- वि.सं २o८२ बैशाख २८ आइतबार
प्रधानमन्त्री केपी ओलीले स्टार्टअपको सम्बन्धमा छुट्टै व्याख्या गरेका छन् । आइतबार नीति तथा कार्यक्रमबारे संसदमा भएको छलफलमा बोल्दै उनले नयाँ प्रविधि र नवप्रवर्द्धन प्रयोग भएको व्यवसायलाई मात्रै स्टार्टअप भनिने आमव्याख्याविपरीत यस्तो व्याख्या गरेका हुन् ।
ओलीले जेन–जी पुस्ता सहभागी भएर सञ्चालन सुरु गर्ने सबै व्यवसायलाई स्टार्टअप मानिने बताएका हुन् ।
अघिल्लो वर्ष स्टार्टअपका लागि औद्योगिक व्यवसाय विकास प्रतिष्ठानमार्फत स्वीकृत गरिएको ६६१ वटा कर्जामा धेरैजसो कृषि, घरेलु तथा साना व्यवसायसँग सम्बन्धित छन् भने केही मात्रै आइटी र नवप्रवर्तनका क्षेत्रहरूसँग सम्बन्धित छ ।
