- वि.सं Invalid date format
सुर्खेतमा घर लिप्ने माटो खन्ने क्रममा माथिबाट खसेको ढुंगाले च्यापेर एक महिलाको मृत्यु भएको छ। बिहीबार बिहान गुर्भाकोट नगरपालिका– ७ सानोठकेनीमा ३८ वर्षीया ज्योति वलीको मृत्यु भएको हो।
दसैँका लागि घरनजिकै खोलाको छेउमा माटो खन्ने क्रममा माथिबाट आएको ढुंगाले च्यापेर उनको मृत्यु भएको जिल्ला प्रहरी कार्यालय सुर्खेतका प्रहरी उपरीक्षक रुपेश खड्काले जानकारी दिए।
उनका अनुसार हाल इलाका प्रहरी कार्यालय छिन्चुबाट प्रहरी निरीक्षक पदम खड्काको नेतृत्वमा ७ जनाको प्रहरी टोली घटनास्थलमा खटिएको छ। प्रहरीले घटनाबारे थप अनुसन्धान गरिरहेको बताएको छ।
