प्रभु महालक्ष्मीको क्लब एचिभर्स अवार्ड समारोह

प्रभु महालक्ष्मी लाइफ इन्स्योरेन्सको क्लब एचिभर्स अवार्ड समारोह सम्पन्न भएको छ । देशैभरिबाट उत्कृष्ट व्यवसाय गर्ने अभिकर्ता तथा उच्च व्यवस्थापकको उपस्थितिमा उक्त समारोह सम्पन्न भएको कम्पनीले जनाएको छ । कार्यक्रम २५–२७ भदौसम्म चितवनमा भएको हो । 

कम्पनीका प्रमुख कार्यकारी अधिकृत (सिइओ) सन्तोष प्रसाईंले कार्यक्रमको उद्घाटन गरे भने नायब महाप्रबन्धक सोनबहादुर मगरले स्वागत मन्तव्य राखे । कार्यक्रममा उत्कृष्ट व्यवसाय गरी प्रेसिडेन्ट क्लब, सिइओ क्लब, म्यानेजर क्लब हासिल गरेका अभिकर्तालाई सम्मान गरिएको थियो । सिइओ प्रसाईंले अभिकर्तालाई पेसा मर्यादित र प्रेरणादायी बनाउन आग्रह गर्दै मान, सम्मान र अन्तर्राष्ट्रिय फोरममा समेत पहिचान बनाउन सकिने अवसर सिर्जना गर्न आग्रह गरे । 

कार्यक्रममा इन्स्योरेन्स सेल्स मोटिभेसनल कोच विजयकुमार झाको उत्प्रेरणात्मक रहेको थियो भने नायब प्रमुख कार्यकारी अधिकृत किशोरप्रसाद लामिछानेले धन्यवाद व्यक्त गरेका थिए ।