- वि.सं २o८१ असार ४ मंगलबार
स्थानीय बजारमा चाँदीको मूल्य आज सामान्य वृद्धि भएको छ । सुनको मूल्य भने स्थिर रहेको नेपाल सुनचाँदी व्यवसायी महासंघले जनाएको छ ।
सोमबार प्रतितोला रु. एक हजार आठ सयमा कारोबार भएको चाँदी आज रु. १५ ले बढेर रु. एक हजार आठ सय १५ मा कायम भएको छ ।
महासंघका अनुसार छापावाल सुनको मूल्य मंगलबारका लागि प्रतितोला एक लाख ४२ हजार दुई सय रुपैयाँ र तेजाबी सुनको मूल्य प्रतितोला एक लाख ४१ हजार पाँच सय रुपैयाँ कायम छ ।
