- वि.सं २o८१ जेठ ४ शुक्रबार
वेस्ट इन्डिज ‘ए’ टोलीविरुद्ध नेपालले पुनः एकपटक खराब ब्याटिङ प्रदर्शन गरेको छ । नेपालले इनिङ्सको चार ओभरमा दुई विकेट गुमाएको छ।
इनिङ्सको ४.१ ओभरमा एलानले ओपनर कुशल भुर्तेललाई एक रनमा आउट गरे । त्यसपछि ४.५ ओभरमा कुशल मल्ल वेस्ट इन्डिजका कप्तान रोस्टन चेजबाट क्याचआउट भए । फावियन एलानले आफ्नो पहिलो ओभरमै दुई विकेट लिँदै वेस्ट इन्डिजलाई सफलता दिलाएका हुन् ।
त्रिवि क्रिकेट मैदानमा दुई सय १० रनको लक्ष्य पछ्याइरहेको नेपालले पाँच ओभरमा तीन विकेट गुमाएर ५३ रन बनाएको छ ।
खराब फर्मबाट गुज्रिरहेका भुर्तेलले पाँच बल सामना गरी एक रन मात्र जोडेका थिए। यसअघि इनिङ्सको दोस्रो बलमै नेपालले आसिफ शेखलाई गुमाएको थियो।
कप्तान रोहित पौडेल र कुशल भुर्तेलले दोस्रो विकेटका लागि २७ रनको साझेदारी गरेका थिए । क्रिजमा रोहित र सन्दीप जोरा छन् ।
नेपाललाई जितका लागि ८६ बलमा एक सय ६७ रन जोड्नुपर्छ ।
