- वि.सं २o८१ बैशाख १९ बुधबार
एमाले ओखलढुंगाको अध्यक्षमा ज्ञानबहादुर खड्का जिवी विजयी भएका छन्।
बुधबार सम्पन्न १०औँ जिल्ला अधिवेशनबाट निकटतम प्रतिस्पर्धी हर्कबोल राईलाई १३ मतले पराजित गर्दै खड्का अध्यक्षमा निर्वाचित भएका हुन्।
खड्काले १४४ र राईले १३१ मत प्राप्त गरे। अध्यक्षका अर्का उम्मेदवार तारा कार्कीले तीन मत ल्याइन्।
उपाध्यक्षमा कमलप्रसाद न्यौपाने विजयी भएका छन्। झम्कहरी बडाललाई ९५ मतले पराजित गर्दै न्यौपाने विजयी भएका हुन् । न्यौपानेले १८२ र बडाले ८७ मत ल्याए।
सचिवमा अशोक थापा निर्वाचित भए। प्रतिस्पर्धी टंकलाल गिरीलाई ३९ मतले पराजित गर्दै थापा निर्वाचित भएका हुन्। थापाले १५२ र गिरीले ११३ मत प्राप्त गरे।
दुई उपसचिवमा राजिव कट्वाल र अस्मिता थापा विजयी भए । कट्वालले दामोदर धमला र थापाले रमिला मगरलाई पराजित गरिन् । कट्वालले १३८ र धमलाले १२९ मत ल्याए भने महिला उपसचिवमा थापाले १७४ र मगरले ९८ मत ल्याइन् ।
जिवी खड्कालाई प्रदेश कमिटी सदस्य तथा पूर्वमन्त्री अम्बिरबाबु गुरुङ र निवर्तमान उपाध्यक्ष तथा संविधानसभा सदस्य रहेका हर्कबोल राईलाई केन्द्रीय सदस्य एवं संविधानसभा सदस्य यज्ञराज सुनुवारको समर्थन थियो ।
निर्वाचित अध्यक्ष खड्का प्यानलबाट उपाध्यक्ष, सचिव र एक उपसचिव कट्वालले जितेका छन् । राई प्यानलबाट पदाधिकारीमा एक उपसचिव निर्वाचित भए ।
