- वि.सं Invalid date format
जनउत्थान सामुदायिक लघुवित्त वित्तीय संस्थाले विभिन्न कार्यक्रम गरी वार्षिकोत्सव मनाएको छ । संस्थाले स्थापनाको १४औँ वार्षिकोत्सव विभिन्न कार्यक्रम गरी मनाएको हो ।
वार्षिकोत्सवका अवसरमा संस्थाका ३९ वटै शाखा कार्यालयमार्फत सामाजिक उत्तरदायित्वअन्तर्गत विभिन्न सामाजिक क्रियाकलाप गरेका हुन् । अपांगता भएका छात्रछात्रा, जेहेनदार तथा गरिब बालबालिकाको गुणस्तरीय शिक्षाका लागि शैक्षिक सामग्री वितरण, सामुदायिक विद्यालयमा पंखा, वाटर फिल्टरलगायत भौतिक सामग्री वितरण गरिएको संस्थाले जनाएको छ ।
त्यस्तै, दृष्टिविहीन, स्वास्थ्य संस्थामा भौतिक सामग्री वितरण, अपांग, ज्येष्ठ नागरिकलाई सम्मानसमेत प्रदान गरेको थियो । त्यसैगरी, अनाथ आश्रम तथा वृद्धा आश्रममा जिन्सी तथा खाद्यान्न सामग्री वितरण, रक्तदान कार्यक्रम, सरसफाइ तथा डस्टबिन वितरण कार्यक्रम, फलफूल वितरण, स्थानीय प्रहरी चौकीहरूमा भौतिक सामग्री वितरण, मन्दिरपरिसर सरसफाइ, कृषक सदस्यलाई बिउबिजन वितरणालगायतका कार्यक्रम गरेको संस्थाका प्रमुख कार्यकारी अधिकृत सुनीलकुमार रायले जानकारी दिए ।
