१७औँ वार्षिकोत्सव विशेषांकफ्रन्ट पेजमुख्य समाचारसमाचारदृष्टिकोणअर्थअन्तर्वार्ताखेलकुदविश्वफिचरप्रदेशपालिका अपडेट
  • वि.सं २o८१ जेठ ६ आइतबार
  • Sunday, 19 May, 2024
२o८१ जेठ ६ आइतबार १८:४९:oo
Read Time : < 1 मिनेट
ad
ad
समाचार डिजिटल संस्करण

नवलपुरमा फेरि पाँचवटा लाेपाेन्मुख गिद्ध मृत फेला

Read Time : < 1 मिनेट
नयाँ पत्रिका
२o८१ जेठ ६ आइतबार १८:४९:oo

पूर्वी नवलपरासीको कावासोतीमा सोमबार पाँचवटा लोपोन्मुख गिद्ध मृत फेला परेको छ। कावासोती–११ स्थित लोकाहा खोला किनारमा चारवटा डंगर प्रजातिका र एउटा हिमाली प्रजातिको गिद्ध मृत फेला परेको हो।

सोही स्थानमा एउटा सुन गिद्ध र ६ वटा डंगर प्रजातिकै गिद्ध बिरामी अवस्थामा फेला परेको जटायु रेस्टुरेन्टका अध्यक्ष डिबी चौधरीले जानकारी दिए। बिरामीमध्ये एउटा डंगर गिद्धको अवस्था गम्भीर रहेको छ। मरेको स्यालको सिनो खाएर गिद्ध मरेका बताइएको छ। चौधरीका अनुसार गिद्ध मरेको स्थानमा २ वटा मरेको स्यालको सिनोसमेत फेला परेको छ।

विषादीयुक्त खाना खाएर मरेको स्यालको सिनो खाएर गिद्ध मरेको प्रारम्भिक अनुसन्धानबाट देखिएको अध्यक्ष चौधरीले जानकारी दिए। लोकाहा खोला किनारमा गिद्ध मृत देखेपछि स्थानीयले जटायु रेस्टुरेन्टमा खबर गरेका थिए।

मरेका गिद्धको मंगलबार पोस्टमार्टम गरिने तथा बिरामी गिद्धलाई घटनास्थलमा प्राथमिक उपचारपछि जटायु रेस्टुरेन्ट लगेर उपचार गरिने चौधरीले बताए।

यसअघि करिब ११ महिनाअघि कावासोती– ३ को केरुंगे खोला आसपासको क्षेत्रमा पनि विशाक्त आहारा खाएर १७ वटा गिद्ध मरेका थिए। स्याल, कुकुरजस्ता जनावर मार्न स्थानीयले विषादी प्रयोग गर्ने र उक्त विषादी खाएर मरेको जनावरको सिनो खाँदा गिद्ध मर्ने क्रम बढेको छ।

ad
ad