- वि.सं २o८o माघ २९ सोमबार
एकदिवसीय बाइल्याट्रल सिरिजको अन्तिम खेलमा क्यानडाले छैटौँ विकेट गुमाएको छ । टस जितेर फिल्डिङ गरिरहेको नेपाललाई सफलता दिलाउने क्रममा हेमन्त धामीले क्यानडाको छैटौँ तथा व्यक्तिगत दोस्रो विकेट लिए ।
कीर्तिपुरस्थित अन्तर्राष्ट्रिय खेलमैदानमा डेब्यु खेलमै हेमन्त दोस्रो विकेट लिन सफल भएका हुन् । उनले २९ बलमा २५ रन बनाएका क्यानडाका विकेटकिपर ब्याटर श्रेयश मोभालाई कुशल भुर्तेलको हातबाट क्याच गराए । श्रेयशको विकेट गुमाउँदा क्यानडाले ४५.४ ओभरमा एक सय ८६ रन बनाएको छ ।
त्यसअघि कुशल मल्लले व्यक्तिगत दोस्रो विकेट लिने क्रममा क्यानडाको पाँचौँ विकेट लिएका थिए । उनले हर्ष थाकेलाई कुशलकाे एलबिडब्लू धरापमा पारेका थिए । ५७ बलको सामना गरेका हर्षले दुई चौकाको मद्दतमा २७ रन बनाए ।
त्यसअघि हेमन्त धामी, आकाश चन्द र ललित राजभण्डारीले एक–एक विकेट लिइसकेका छन् ।
