- वि.सं २०८१ बैशाख १६ आइतबार
शनिबार बिहान १० बजेको तस्बिर । पुसको तेस्रो सातादेखि बढेको शीतलहर र चिसोले तराई मधेशको जनजीवन प्रभावित बनेको छ ।
चिसोले वृद्धवृद्धा, बालबालिका, गर्भवती र सुत्केरी महिला बढी प्रभावित छन् । राजमार्गमा यातायातका साधन कम देखिएका छन्, दिउँसै बत्ती बालेर सवारीसाधन चलाउनुपर्ने अवस्था छ । चिसोले बजार क्षेत्रमा चहलपहल घटेको छ । ७ माघसम्मका लागि विद्यालय बन्द गरिएको छ ।
सिराहाको लहान नगरपालिका, कर्जन्हा र गोलबजार नगरपालिकाले बढी चहलपहल हुने ठाउँमा दाउरा बाल्ने व्यवस्था गरेका छन् । लहान क्षेत्रका जाडो प्रभावितलाई न्यानो कम्बल बाँडिएको छ । जिल्ला विपत् व्यवस्थापन समितिले जाडोबाट प्रभावित गरिब, दलित, असहायको संख्या यकिन गर्ने, स्थानीय तहमा दाउरा तथा न्यानो कम्बलको स्टक जाँच गर्ने गर्ने निर्णय गरेको छ ।
