- वि.सं २०८१ बैशाख १६ आइतबार
राष्ट्रिय सभा सदस्यका लागि सुदूरपश्चिममा नेकपा एमालेका तीनजनाले उम्मेदवारी दर्ता गराएका छन्।
एमालेबाट राष्ट्रिय सभा सदस्यमा ‘अन्य’तर्फ कञ्चनपुरका ईश्वरीप्रसाद खरेल, ‘महिला’तर्फ कैलालीकी सावित्रीदेवी घिमिरे र ‘अपांगता’तर्फ कैलालीका रामचन्द्र जोशीले उम्मेदवारी दर्ता गराएका हुन्।
राष्ट्रिय सभा सदस्यका तीनैजना उम्मेदवार पार्टीका नेता, कार्यकर्तासहित मनोनयन दर्ताका लागि धनगढीस्थित राष्ट्रिय सभा सदस्य निर्वाचन अधिकृतको कार्यालय पुगेका थिए।
एमालेअघि सत्तागठबन्धनका उम्मेदवारले उम्मेदवारी दर्ता गरेका थिए। सुदूरपश्चिमबाट रिक्त हुने तीन राष्ट्रिय सभा सदस्य चयनका लागि आगामी महिना ११ गते निर्वाचन हुनेछ।
