- वि.सं २o८१ जेठ ५ शनिबार
नेपाल सुपर लिग २०२३
डिफेन्डिङ च्याम्पियन काठमाडौं रेजर्सलाई पराजित गर्दै ललितपुर सिटी एफसीले नेपाल सुपर लिग (एनएसएल) २०२३ को दोस्रो क्वालिफायरमा स्थान बनाएको छ ।
अब फाइनल प्रवेशका लागि ललितपुर सिटीले बिहीबार पोखरा थन्डर्सको सामना गर्नेछ । धनगढी भने पहिलो क्वालिफायरमा पोखरा थन्डर्सलाई पराजित गर्दै फाइनल पुगिसकेको छ ।
दशरथ रंगशालामा आज भएको एलिमिनेटर खेलमा ललितपुरले काठमाडौं रेजर्सलाई ३–० ले माथ दियो । इमोह इजिकिएलले दुई र पापा केबेले एक गोल गरेपछि ललितपुरसामु काठमाडौं रेजर्स निकै कमजोर बन्न पुग्यो । अन्तिम १६मिनेट भने काठमाडौं १० खेलाडीमा सीमित बन्यो ।
