- वि.सं Invalid date format
उदयपुरको बेलका नगरपालिका– २ भचुवामा घरबाटै १३ केजी गाँजासहित एकजना पक्राउ परेका छन्।
पक्राउ पर्नेमा सोही स्थानका २१ वर्षीय रविन राई रहेकाे जिल्ला प्रहरी कार्यालय उदयपुरका प्रहरी नायब उपरीक्षक हरिनन्द चौधरीले जानकारी दिए।
उनका अनुसार पक्राउ परेका राईले घरनजिकै रहेको ग्वालीमा लुकाइराखेको गाँजा सोमबार बरामद भएको हो। पक्राउ परेका राईमाथि अनुसन्धान जारी रहेको प्रहरीको भनाइ छ।
केहीअघि मात्र उदयपुरगढी गाउँपालिका– ७ हाडेबासबाट १६ किलोभन्दा बढी गाँजासहित दुईजना पक्राउ परेका थिए।
