- वि.सं Invalid date format
मंगोलियाले प्रतिकूल मौसमका कारण अनलाइन पठनपाठन सुरु गर्ने भएको छ।
यहाँको शिक्षा तथा विज्ञान मन्त्रालयले सोमबार जनाएअनुसार जाडो मौसम र फ्लुको उच्च प्रकोपका कारण पहिलोदेखि पाँचौँ कक्षाका सबै विद्यार्थीका लागि सोमबारदेखि दुई हप्ताससम्म अनलाइन कक्षा सञ्चालन गरिनेछ।
६ कक्षादेखि १२ कक्षासम्मका विद्यार्थीका लागि डिसेम्बर २५ देखि जाडो बिदाको सुरुवातसम्म चल्ने अनलाइन कक्षाहरू एक हप्तासम्म चल्नेछन्। गत हप्ताको सुरुदेखि रुसको साइबेरियाबाट सुरु भएको कडा चिसो फ्रन्टले मंगोलियाका व्यापक क्षेत्रहरूमा फैलिरहेको छ, जसले तापमान घटेको छ भने कडा हावा र हिमपात ल्याएको छ।
देशभरका अस्पतालहरूमा, विशेषगरी विश्वको सबैभन्दा चिसो राजधानी सहर र देशको झन्डै आधा बाल जनसंख्या रहेको उलान बातोरमा बालबालिकाका वार्डहरूमा मौसमी फ्लुको प्रकोपमा उल्लेखनीय वृद्धिका कारण भिडभाड बढेको स्वास्थ्य मन्त्रालयले जनाएको छ।
मंगोलियामा जाडोमा माइनस २५ डिग्री सेल्सियसको तापक्रम सामान्य मानिन्छ।
