एभरेष्ट बैंक लिमिटेडले स्पिनिङ मिल्समा एटिएम सञ्चालन गरेको छ । सो एटिएमको बैंकका प्रमुख कार्यकारी अधिकृत सुदेश खालिङ र मिल्सका निर्देशक दिवस न्यौपानेले संयुक्त रूपमा उद्घाटन गरेका हुन् । योसँगै बैंकको एटिएमको संख्या एक सय ६३ पुगेको बताइएको छ । 

उद्घाटनका अवसरमा बैंकका प्रमुख कार्यकारी अधिकृत खालिङले उक्त एटिएम सेवा विस्तारसँगै मिल्समा कार्यरत सम्पूर्ण मजदुर र कर्मचारी तथा मायादेवी गाउँपालिका वडा नं ३ का स्थानीय बासिन्दालाई थप सहज र सरल हुने बताए । त्यस्तै, मिल्सका निर्देशक न्यौपानेले बैंकले आफ्नो प्रंगणमा एटिएम सञ्चालनमा ल्याएकोमा खुसी व्यक्त गरे । 

सोही अवसरमा बैंकले मिल्समा कार्यरत ५० भन्दा बढी मजदुरलाई वित्तीय साक्षरता कार्यक्रमसमेत सञ्चालन गरेको छ ।