- वि.सं २o८o कार्तिक १७ शुक्रबार
काभ्रे जिल्लाको पाँचखाल नगरपालिका–४ समाजकल्याणचोकमा आगलागी भएको छ । आगलागीबाट कपडा पसल, होटल र मोबाइल पसलमा क्षति पुगेको हो ।
जिल्ला प्रहरी कार्यालय काभ्रेका प्रवक्ता प्रहरी नायवउपरीक्षक राजकुमार श्रेष्ठका अनुसार आज करिब ६:१५ बजेको समयमा पाचँखाल–४ समाजकल्याण चोकस्थित उद्धव प्रसाद तिमल्सिनाको घरको सटरमा अचानक विद्युत सर्ट भइ आगलागी भएको हो ।
आगलागीबाट तिमल्सिनाको घरमा रहेको नौ सटरमध्ये चारवटा कपडा पसल पूर्ण रुपमा जली नष्ठ भएको प्रहरी नायवउपरीक्षक श्रेष्ठले जानकारी दिए । सो आगलागीबाट ३ वटा होटल, एक मोबाइल पसल र एक मासु पसलमा आंशिक क्षति भएको प्रहरीले जानकारी दिए । मानवीय क्षती भने नभएको प्रहरीको भनाइ छ ।
नेपाल प्रहरी, एपिएफ स्थानीय र दमकलको सहयोगमा आगोलागी नियन्त्रणमा आएको प्रहरीले जनाएको छ । क्षतीको विवरण एकिन भइनसकेको जानकारी प्रहरीले जानकारी दिए ।
