आजदेखि सोह्र श्राद्ध अर्थात् पितृपक्ष सुरु भएको छ। आश्विन कृष्ण प्रतिपदादेखि आश्विन शुक्ल प्रतिपदासम्मका सोह्रवटा तिथिमा दिवंगत पितृलाई तर्पण, पिण्ड र सिदादान गरिने भएकाले यी तिथिलाई सोह्रश्राद्ध भनिएको हो। 

चाडपर्व, यज्ञ तथा ठूलाकार्य गर्नुअघि पितृलाई श्रद्धा भक्तिका साथ सम्झिने वैदिक सनातन हिन्दू परम्पराअनुसार सोह्रश्राद्ध गर्ने गरिएको हो। सोह्रश्राद्धमा पितृले आफ्ना सन्तानबाट तर्पण, पिण्डको आशा गरिरहेका हुन्छन् भन्ने शास्त्रीय मान्यता छ।

नेपाल पञ्चांग निर्णायक विकास समितिले स्वीकृति दिएको पात्रो (पञ्चांग)अनुसार आज प्रतिपदा र द्वितीया तिथिको श्राद्ध परेको छ। काठमाडौंको पशुपतिनाथ मन्दिर परिसरमा दिवंगत पितृलाई तर्पण, पिण्ड र सिदादान गर्दै श्राद्ध गर्नेको भिड लागेको छ। हेर्नुहोस् केही तस्बिर :