- वि.सं २o८o भदौ २२ शुक्रबार
बर्दियामा आज बाघको आक्रमणबाट एक महिलाको मृत्यु भएको छ । मधुवन नगरपालिका– ३ की ५५ वर्षीया कली वंशीमगरको बाघको आक्रमणबाट ज्यान गएको हो ।
घरनजिकैको सम्झना सामुदायिक वनमा घाँस काट्न गएको वेलामा कलीमाथि बाघले आक्रमण गरेको थियो ।
आज दिउँसो १ बजे घाँस काट्न गएकी कली अबेरसम्म नफर्किएपछि आफन्तहरू खोजीमा निस्किएका थिए । जंगलमा उनको कपडा च्यातिएको अवस्थामा भेटिएपछि स्थानीयले सशस्त्र प्रहरीलाई खबर गरेर सुरक्षाकर्मीको टोलीले थप खोजी गरेको थियो ।
त्यसक्रममा साँझ ५ बजे बाघले दायाँ हात खाएको अवस्थामा कलीको शव फेला परेको डिभिजन वन कार्यालय बर्दियाका सूचना अधिकारी द्रोणराज शर्माले जानकारी दिए । शव पोस्टमार्टमका लागि बर्दिया अस्पताल लगिएको छ ।
2024-09-18-01-30-27.gif)
2024-09-18-01-30-29.gif)
