- वि.सं Invalid date format
वेस्ट बैंकको नाब्लस सहरमा बिहीबार राति भएको झडपमा १० प्यालेस्टाइनी र चार इजरायली सैनिक घाइते भएका छन्। इजरायली सेनाको बल सैन्य बुल्डोजरसहित विस्फाेटक पदार्थ बोकेर आएपछि झडप सुरु भएको बताइएको छ।
इजरायली सेनाले दर्जनौँ इजरायलवासीलाई धार्मिक अनुष्ठानका लागि नाब्लसको फ्ल्यास प्वाइन्ट साइट जोसेफको चिहानमा लैजान नाब्लस सहरमा आक्रमण गरेको थियो। जोसेफको चिहानसम्म जाने सडकहरू अवरुद्ध गर्दै प्यालेस्टाइनी नागरिकहरूले विरोध गरेका थिए।
उनीहरूले इजरायली गाडीको टायर जलाउनुका साथै इजरायली सेनाको गाडीमाथि ढुंगा प्रहार गरेका थिए। प्रदर्शकारीलाई रोक्न सैनिकले रबरको गोली र अश्रुग्यास छोडेको थियो। सैनिकबाहेक झडपको क्रममा ५६ प्यालेस्टाइनी नागरिक घाइते भएका बताइएको छ। सिन्ह्वा/न्युज एजेन्सी नेपाल
