- वि.सं २o८o भदौ ६ बुधबार
बालिकाको बलात्कारपछि हत्या गरेको आरोपमा २० वर्षपछि पक्राउ परेका अभियुक्तलाई जिल्ला अदालत मकवानपुरले पुर्पक्षका लागि थुनामा पठाएको छ ।
पाँच वर्षकी नाबालिकालाई बलात्कारपछि हत्या गरेको आरोपमा पक्राउ परेका ४५ वर्षीय सोमबहादुर राईलाई बुधबार जिल्ला न्यायाधीश ऋषिराम निरौलाको एकल इजलासले पुर्पक्षका लागि थुनामा राख्न आदेश दिएको हो ।
अभियुक्त राईले १८ असो ०६० मा बलात्कारपछि नाबालिकाको हत्या गरेर हेटौँडा– १० स्थित राप्तीखोलामा ढुंगाले च्यापेर फरार भएको प्रहरी अनुसन्धानबाट खुलेको थियो ।
घटनाको भोलिपल्ट बालिकाको शव भेटिए पनि अभियुक्त राई फेला परेका थिएनन् । २० वर्षपछि अभियुक्त राईलाई जिल्ला प्रहरी कार्यालय मकवानपुर र बागमती प्रदेश प्रहरीको संयुक्त पहलमा गत १३ साउनमा ललितपुरबाट पक्राउ गरी हेटौँडा ल्याइएको हो ।
2022-09-29-12-22-58.jpeg)
