- वि.सं २o८o श्रावण ५ शुक्रबार
रोल्पामा गएराति परेको चट्याङ लागेर वडासदस्यको निधन भएको छ।
सुनछहरी गाउँपालिका– ३ कुइपाधाराका वडासदस्य ४९ वर्षीय दिलबहादुर घर्तीमगरको सो घटनामा परी निधन भएको जिल्ला प्रहरी कार्यालयले जनाएको छ।
मृतक घर्तीमगर आफ्नो कान्छो भाइको घरमा सुतेको वेला चट्याङमा परेको उक्त कार्यालयका सूचना अधिकारी प्रकाश भुसालले जानकारी दिए।
चट्याङमा परी अन्य ठाउँका केही व्यक्ति पनि घाइते भएकाले त्यस स्थानतर्फ प्रहरी जाँदै गरेको उनले बताए।
