एपिएफलाई हराउँदै नेपाल पुलिस क्लब महिलातर्फको फाइनलमा

राष्ट्रिय भलिबल क्लब लिग

Read Time : < 1 मिनेट

नयाँ पत्रिका, काठमाडौं

नयाँ पत्रिका

२o८१ बैशाख २१ शुक्रबार २१:o१:oo

नेपाल पुलिस क्लब सातौँ प्रधानमन्त्री कप एनभिए महिला तथा पुरुष राष्ट्रिय भलिबल क्लब लिगको महिलातर्फ फाइनल पुगेको छ ।

राष्ट्रिय खेलकुद परिषद् (राखेप) को कभर्ड हलमा आफ्नो चौथो खेलमा एपिएफलाई २५–१६, २५–१५ र २६–२४ को सोझो सेटमा हराउँदै पुलिसले प्रतियोगिताको फाइनलमा स्थान बनाएको हो ।

खेलअवधिभर उत्कृष्ट खेल प्रदर्शन गरेकी मनीषा चौधरी ‘प्लेयर अफ द म्याच’ घोषित भइन् । आजको जितपछि पुलिस ४ खेलमा १२ अंकका साथ शीर्ष स्थानमा छ ।

पुलिसले अन्तिम खेल शुक्रबार न्यु डायमन्डसँग खेल्नेछ भने न्यु डायमण्ड र एपिएफमध्ये एक टोलीले फाइनलमा स्थान बनाउनेछन् । ३ खेलमा ८ अंकका साथ दोस्रो स्थानमा रहेको न्यु डायमन्डले बिहीबार एपिएफसँग खेल्नेछ । उक्त खेलमा विजयी भए एक खेल अगावै फाइनल पुग्नेछ ।

#राष्ट्रिय भलिबल क्लब लिग