आइसिसी एकदिवसीय विश्वकप क्रिकेट छनोटअन्तर्गतको खेलमा श्रीलंका र ओमान खेलिरहेका छन्। श्रीलंकासँगको खेलमा ओमान ९८ रनमै अलआउट भएको छ।
टस हारेर ब्याटिङको निम्तो पाएको ओमान ३० ओभर दुई बलमै ९८ रन बनाएर अलआउट भयो।
ओमनका लागि आयान खानले ४१, जितेन्दर सिंहले २१ र फायाज बटले १३ रन बनाए। श्रीलंका विनिन्दु हसरंगाले पाँच, लाहिरू कुमाराले तीन र कसुन रजिथाले एक विकेट लिए।
ओमान यसअघिका दुवै खेल जितेर ‘समूह बी’बाट तालिकाको शीर्ष स्थानमा थियो। श्रीलंकाले पनि आफ्नो पहिलो खेलमा युएईलाई हराएको थियो।