- वि.सं २o८o जेठ ३१ बुधबार
नाइजेरियामा पछिल्लो चार महिनामा हैजाबाट ४८ जनाको मृत्यु भएको छ । नाइजेरियाको रोग नियन्त्रण तथा रोकथाम केन्द्र (एनसिडिसी) ले यस वर्षको अप्रिलको अन्त्यसम्ममा हैजाका एक हजार ६२९ बिरामी परेका र ४८ जनाको मृत्यु भएको जनाएको छ ।
देशको राजधानी अबुजामा आयोजित राष्ट्रिय हैजा योजना समीक्षा सम्मेलनमा एनसिडिसीका महानिर्देशक इफेदायो अडेटिफाले त्यसअवधिमा हैजाबाट १३ वटा राज्य प्रभावित भएको जानकारी दिए ।
स्वास्थ्य एजेन्सीले देशको हैजा प्रकोपको रोकथाम, नियन्त्रण र व्यवस्थापनलाई सुदृढ गर्न उपायहरू अपनाएको उनको दाबी छ ।
अधिकारीका अनुसार हैजाबाट बच्न र यसको फैलावटलाई पूर्ण रूपमा रोक्न सबै सरोकारवालाले आवश्यक उपायहरू अपनाउन सकेका छैनन् ।
(सिन्ह्वाको सहयोगमा)
