- वि.सं २०८१ बैशाख ८ शनिबार
मधेस प्रदेशका मुख्यमन्त्री सरोजकुमार यादवले मन्त्रिपरिषद् विस्तार गरेका छन्। नेपाली कांग्रेस र एकीकृत समाजवादीलाई समेटेर उनले सरकार विस्तार गरेका हुन्।
कांग्रेसबाट संसदीय दलका नेता कृष्णप्रसाद यादव र वीरेन्द्रप्रसाद सिंह तथा एकीकृत समाजवादीबाट संसदीय दलका नेता गोविन्द न्यौपाने जसपा नेतृत्वको सरकारमा सहभागी भएका छन्।
कांग्रेसका यादवले भौतिक पूर्वाधारमन्त्री र सिंहले स्वास्थ्य तथा जनसंख्यामन्त्री तथा एकीकृत समाजवादीका न्यौपानेले भूमि व्यवस्था कृषि तथा सहकारीमन्त्रीको रूपमा शपथ लिएका छन्। प्रदेश प्रमुख हरिशंकर मिश्रले नवनियुक्त मन्त्रीहरूलाई शपथ गराएका हुन्।
मुख्यमन्त्री यादवले कांग्रेस र एकीकृत समाजवादीलाई समेटेर मन्त्रिपरिषद् विस्तार गरेलगत्तै माओवादी केन्द्रले भने प्रदेश सरकार छाड्ने निर्णय गरेको छ।
