Skip This
प्रकृतिको मज्जा लिन गुफापोखरी 
१७औँ वार्षिकोत्सव विशेषांकफ्रन्ट पेजमुख्य समाचारसमाचारदृष्टिकोणअर्थअन्तर्वार्ताखेलकुदविश्वफिचरप्रदेशपालिका अपडेट
  • वि.सं २o८o बैशाख २० बुधबार
  • Friday, 19 July, 2024
नयाँ पत्रिका काठमाडाैं
२o८o बैशाख २० बुधबार ११:३४:oo
Read Time : < 1 मिनेट
ad
ad
ad
ad
समाचार प्रिन्ट संस्करण

प्रकृतिको मज्जा लिन गुफापोखरी 

Read Time : < 1 मिनेट
नयाँ पत्रिका, काठमाडाैं
नयाँ पत्रिका
२o८o बैशाख २० बुधबार ११:३४:oo

तेह्रथुम, संखुवासभा र ताप्लेजुङको संगमस्थल तीनजुरे, मिल्के र जलजलेमा अवस्थित गुफापोखरी चर्चित पर्यटकीय क्षेत्र हो । यहाँ झन्डै २८ प्रकारका लालीगुराँसका प्रजाति पाइन्छन् । समुद्री सतहबाट २,८९६ मिटर उचाइमा रहेको यो क्षेत्रलाई वन, प्राकृतिक मनोरम दृश्य, जलाधार स्रोत, ऐतिहासिक, धार्मिक एवं सांस्कृतिक दृष्टिकोणले सम्पन्न क्षेत्रका रूपमा लिइन्छ । 

गुफापोखरीबाट विश्वकै अग्लो हिमाल सगरमाथा, तेस्रो अग्लो हिमाल कञ्चनजंघा, पाँचौँ अग्लो हिमाल मकालुलगायत दर्जनौँ हिमालको मनोरम दृश्यावलोकन गर्न सकिन्छ । वसन्तमा ढकमक्क फुल्ने लालीगुराँसले यस क्षेत्रलाई स्वर्गजस्तै सुन्दर बनाउँछ । 

यो क्षेत्र उच्च पहाडी क्षेत्रमा रहेको महत्वपूर्ण घाँसे मैदानका रूपमा पनि परिचित छ । दुर्लभ तथा लोपोन्मुख वन्यजन्तु तथा पक्षी, बहुमूल्य औषधिजन्य वनस्पतिका साथै जैविक र भौगोलिक विविधताले भरिपूर्ण छ । 

कसरी पुग्ने ? 
काठमाडौंदेखि बन्दीपुरसम्म बसको सुविधा छ । त्यसपश्चात् दुई दिन पैदल यात्रा अथवा जिपबाट जान सकिन्छ भने मोटरबाइकमा धरान, धनकुटा, हिले, वसन्तपुर, चौकी हुँदै गुफापोखरी पुग्न सकिन्छ । 

पहिलो दिन : ४५ मिनेटको काठमाडौं–तुम्लिङटार हवाईजहाज यात्रापछि दुई घन्टा बस वा जिपयात्रापश्चात् मुडे पुगिन्छ । भौगोलिक हिसाबले सुन्दर मुडे बजार चियाबगानको नामले पनि चिनिन्छ । पहिलो दिनको वास मुडेमै बस्न सकिन्छ । 

दोस्रो दिन : बिहानको नास्ता गरेर केही हिँडेपछि कालोगाउँ बस्ती हुँदै घुरबिसे पुगिन्छ । यहाँबाट तेस्रो डाँडैडाँडा गुराँसको बगान छिचोल्दै रमणीय ठाउँ चौकी पुग्न सकिन्छ । चौकीमा वास बस्न पनि सकिन्छ । 

तेस्रो दिन : बिहान उठेर नास्ता गरेपछि डाँडैडाँडा मंगलबारे, सृमाने, लामपोखरी हुँदै गुफापोखरी पुगिन्छ । 

चौथो दिन : बिहानै भ्यु प्वाइन्टबाट मनोरम हिमालहरूको दृश्यावलोकन गरेर तुम्लिङटार अथवा हिले फर्कन सकिन्छ ।

ad
ad
ad
ad