मुख्य समाचारफ्रन्ट पेजसमाचारदृष्टिकोणअर्थअन्तर्वार्ताखेलकुदविश्वफिचरप्रदेशपालिका अपडेट
  • वि.सं २०८० चैत १५ बिहीबार
  • Thursday, 28 March, 2024
२०८० बैशाख १८ सोमबार १०:३७:००
Read Time : < 1 मिनेट
खेलकुद डिजिटल संस्करण

त्रिवि खेलमैदानमा वर्षा, ढाकियो पिच, रोकियो फाइनल

Read Time : < 1 मिनेट
२०८० बैशाख १८ सोमबार १०:३७:००

एसिसी प्रिमियर कप क्रिकेट प्रतियोगिताको फाइनल खेलमा वर्षा बाधक बनेको छ । पूर्वानुमानअनुसार नै त्रिवि खेलमैदानमा पानी पर्न थालेपछि खेल रोकिएको छ । 

अहिले पिच र मैदानको केही भाग कभर गरिएको छ । अम्पाएर र खेलाडी पेभेलियन फर्किएका छन् । 

हजारौँ दर्शक पानीका बाबजुद खेल पुनः सुरु हुने प्रतीक्षामा मैदानमै रुझेर बसेका छन् । 

खेल रोकिनुअघि नेपाल सुदृढ अवस्थामा छ । नेपाली सिमर र स्पिनरहरू हावी भएपछि युएईको ब्याटिङ धराशायी बनेको छ । 

नियमित अन्तरालमा विकेट गुमाएकाले युएईले १७ ओभरमा ६० रन बनाउँदा महत्वपूर्ण पाँच विकेट गुमाइसकेको छ । 


नेपाली सिमर करण केसीले दुई र सोमपाल कामीले एक तथा स्पिनरहरू सन्दीप लामिछाने र ललित राजवंशीले एक–एक विकेट लिइसकेका छन् । 

त्रिवि खेलमैदानमा नेपालले टस जितेर फिल्डिङ रोजेपछि युएईले ब्याटिङ गरेको हो ।