- वि.सं Invalid date format
ओखलढुंगाबाट काठमाडौंका लागि छुटेको बस सिन्धुलीमा दुर्घटना हुँदा पाँचजनाको मृत्यु भएको छ । बा.२ख ६५९६ नम्बरको बस फिक्कल गाउँपालिका– ४ मा दुर्घटना हुँदा पाँचजनाको घटनास्थलमै मृत्यु भएको हो।
मृत्यु हुनेमा दुई महिला, दुई पुरुष र एक बच्चा रहेको जिल्ला प्रहरी कार्यालय सिन्धुलीका एसपी राजकुमार सिलवालले बताए। उनका अनुसार २४ जना घाइते भएका छन्।
घाइतेको उद्धार गरी प्राथमिक उपचारका लागि खुर्कोट पठाइएको फिक्कल गाउँपालिकाका उपाध्यक्ष राजु बरालले घटनास्थलबाट जानकारी दिए। घाइतेमध्ये पाँचजनाको अवस्था गम्भीर छ।
तीव्र गतिका कारण दुर्घटना भएको हुन सक्ने प्रहरीले जनाएको छ। अनियन्त्रित भएर भित्तामा ठोक्किएको बसको आधाभन्दा बढी भाग पूर्ण रूपमा क्षति भएको छ।
