Skip This
नेपाल धितोपत्र बोर्डले रिडीपावर कम्पनीका अध्यक्ष गुरुप्रसाद न्यौपानेलाई सूचीकृत संगठित संस्थाहरूको संस्थागत सुशासनसम्बन्धी निर्देशिकाविपरीत काम गरेको भन्दै कारबाही गरेको छ ।
बोर्डले न्यौपानेलाई ७५ हजार जरिवानासहित १० वर्षसम्म कुनै पनि पब्लिक कम्पनीको अध्यक्ष वा सञ्चालक हुन नपाउने गरी कारबाही गरेको हो । नेपाल धितोपत्र बोर्डसम्बन्धी ऐन र नियमको पालना गराउने सिलसिलामा त्यसको उल्लंघन गर्नेहरूलाई कारबाही गरिएको अध्यक्ष रमेश हमालले जानकारी दिए ।
बोर्डले नियमअनुसार काम गर्ने तीनवटा सेक्युरिटिज कम्पनीलाई समेत कारबाही गरेको हमालले जानकारी दिए । सनी रेक्युरिटिज र यम्पेरियल सेक्युरिटिजलाई समयमा प्रतिवेदन पेस नगरेको भन्दै १०–१० हजार जरिवाना गरिएको छ । त्यस्तै, त्रिशूल सेक्युरिटिजलाई ७५ हजार रुपैयाँ जरिवाना तोकिएको छ ।
बोर्डले केयर रेटिङ नेपाललाई क्रेडिट रेटिङ नियमावली, २०६८ उल्लघंन गरी आफ्नो मुख्य सेयरधनीको क्रेडिट रेटिङ गराएको भन्दै कारबाही किन नगर्ने भनेर स्पष्टीकरण सोधेको छ ।
