मुख्य समाचारफ्रन्ट पेजसमाचारनयाँ यात्रा २०२५दृष्टिकोणअर्थअन्तर्वार्ताखेलकुदविश्वफिचरप्रदेश
  • वि.सं २o८२ भदौ १५ आइतबार
  • Sunday, 31 August, 2025
२o८२ भदौ १५ आइतबार २१:४३:oo
Read Time : < 1 मिनेट
समाचार

मुगुको महाकाली माविमा सिभिल इन्जिनियर विषय पठनपाठन सुरु

Read Time : < 1 मिनेट
नयाँ पत्रिका
२o८२ भदौ १५ आइतबार २१:४३:oo

जिल्लास्थित महाकाली नमुना माध्यमिक विद्यालयमा प्राविधिक धारतर्फ ९–१२ कक्षामा सिभिल इन्जिनियरिङ पठनपाठन सुरु भएको छ । आइतबार विद्यालयमा आयोजना गरिएको औपचारिक कार्यक्रममा वन तथा वातावरणमन्त्री ऐनबहादुर शाहीले सिभिल इन्जिनियरिङ धारको पठनपाठनको  उद्घाटन गरेका हुन्।

कार्यक्रममा मन्त्री शाहीले प्राविधिक धारा कक्षा ९–१२ सिभिल इन्जिनियर शिक्षाको आरम्भसँगै मुगुमा दक्ष जनशक्ति उत्पादन हुन सके जिल्लाको विकास निर्माणलगायतमा उपयोगी हुने बताए । उनले युवालाई प्राविधिक शिक्षा दिन सकिए रोजगारीका अवसर सिर्जना हुने र विदेश पलायनमा समेत कमी आउने उल्लेख गरे । उनले यस धारबाट निस्कने विद्यार्थीले आफ्नै गाउँमा सडक, भवन, पुल तथा अन्य संरचना निर्माणमा सक्रिय भूमिका निर्वाह गर्ने विश्वास व्यक्त गरे।

उनले आफू एसएलसीसम्म यसै विद्यालयमा अध्यन गरेको र आज आएर यसै विद्यालयमा प्राविधिक धारमा सिभिल इन्जिनियरतर्फको पठानपाठन सुरु हुँदा आफैँले उद्घाटन गर्न पाउँदा खुसी लागेको बताए । 

कर्णाली प्रदेश सभा सदस्य मंगलबहादुर शाहीले यो ऐतिहासिक कदमसँगै मुगुमा शिक्षाको गुणस्तर मात्र नभई आर्थिक, सामाजिक र भौतिक विकासमा समेत सकारात्मक प्रभाव पर्ने बताए।

जिल्ला समन्वय समितिका प्रमुख मन्जुरबहादुर कार्कीले मुगुमा प्राविधिक शिक्षाको आधार निर्माण भएको भन्दै यसलाई अझ प्रभावकारी बनाउन तीन तहका सरकारबिच सहकार्य आवश्यक भएको बताए ।

छायाँनाथ रारा नगरपालिकाका प्रमुख विष्णुकुमार भामले सिभिल इन्जिनियरिङ विषय पढाइ सुरु हुनु नगरकै लागि गर्वको कुरा भएको बताए । उनले स्थानीय तहले सम्भव भएसम्म विद्यालयलाई  सहयोग गर्ने प्रतिबद्धता जनाए । उनले पहिलो वर्ष ३० लाख बजेट व्यवस्थापन गरेको र यो आवश्यक अनुसार बढ्दै जाने बताए । 

यस विद्यालयमा पहिलो वर्ष सिभिल इन्जिनियरिङ विषयमा ५५ जना विद्यार्थी भर्ना भएका छ्न्।