- वि.सं २o८२ भदौ १५ आइतबार
वन तथा वातावरण मन्त्रालयले मातहतका दुई विभागका महानिर्देशक हेरफेर गरेको छ। मन्त्रीस्तरीय निर्णयबाट राष्ट्रिय निकुञ्ज तथा वन्यजन्तु संरक्षण विभागमा डा. बुद्धिसागर पौडेल र वन तथा भूसंरक्षण विभागमा धीरेन्द्रकुमार प्रधान आएका छन्।
यसअघि पौडेल सहभागितामूलक वन महाशाखा र प्रधान वातावरण तथा जैविक विविधता महाशाखामा थिए।
यसअघि निकुञ्ज विभागका महानिर्देशक रहेका डा. रामचन्द्र कँडेल वन मन्त्रालयमा तानिएका छन्। उनी सहभागितामूलक वन र वातावरण तथा जैविक विविधतामध्ये एउटा महाशाखा पाउने सम्भावना छ।
वन विभागका महानिर्देशक बद्री ढुंगाना भने उमेरहदका सेवानिवृत्त भएपछि प्रधान आएका हुन्।
