मुख्य समाचारफ्रन्ट पेजसमाचारनयाँ यात्रा २०२५दृष्टिकोणअर्थअन्तर्वार्ताखेलकुदविश्वफिचरप्रदेश
  • वि.सं २o८२ भदौ १३ शुक्रबार
  • Friday, 29 August, 2025
२o८२ भदौ १३ शुक्रबार १७:५७:oo
Read Time : < 1 मिनेट
समाचार डिजिटल संस्करण

महोत्तरीमा चक्कु प्रहारबाट एकजना घाइते, २७ वर्षीय युवक पक्राउ

Read Time : < 1 मिनेट
नयाँ पत्रिका
२o८२ भदौ १३ शुक्रबार १७:५७:oo

महोत्तरीको पिपरा गाउँपालिका– ५, सहोडवानिवासी रतन मुखियाका छोरा अन्दाजी ३० वर्षका सुरेन्द्र मुखियामाथि चक्कु प्रहार गरी हत्या प्रयास भएको छ।

चक्कु प्रहार गर्ने सोही ठाउँका करिब २७ वर्षीय टकला भन्ने राम अवतार रामलाई प्रहरी चौकी सहोडवाले नियन्त्रणमा लिई जिल्ला प्रहरी कार्यालय महोत्तरी पठाएको छ। 

मुखियाको पिठ्युँसहित शरीरका विभिन्न भागमा चोट लागेको जिल्ला प्रहरी कार्यालय महोत्तरीका प्रवक्ता डिएसपी शैलेन्द्रकुमार भट्टले जानकारी दिए। गम्भीर अवस्थामा रहेका उनलाई थप उपचारका लागि जनकपुरस्थित रामजानकी अस्पताल लगिएको डिएसपी भट्टले बताए।

घटनाको कारणबारे अनुसन्धानपश्चात् मात्र भन्न सकिने प्रहरीको भनाइ छ। आरोपी राम पहिले पनि चोरीको घटनामा पक्राउ परी केही दिनअघि मात्र कारागारबाट छुटेका हुन्।