- वि.सं २o८२ श्रावण ६ मंगलबार
राष्ट्रपति रामचन्द्र पौडेलले ‘नेसनल ल्यान्ड कभर म्याप २०२०-२०२२’ (राष्ट्रिय भू-ढकान नक्सा) आज राष्ट्रपति भवन शीतलनिवासमा सार्वजनिक गरेका छन्
वन तथा वातावरण मन्त्रालय वन अनुसन्धान तथा प्रशिक्षण केन्द्रद्वारा प्रकाशित सो भूक्षेत्र नक्सा केन्द्रका निर्देशक डा. राजेन्द्र केसीले राष्ट्रपति पौडेललाई प्रदान गरेका थिए ।
सो अवसरमा राष्ट्रपति पौडेलले नक्सा र कागजमा भएजस्तै फिल्डमा पनि जंगल कायम हुनुपर्ने बताए। उनले वनबाट कमाउने अभियान र वनमासाबाट वन जोगाउन सबै प्रकारका उपाय अवलम्बन गर्नुपर्नेमा जोड दिए ।
सार्वजनिक भएको सो नक्सामा उल्लेख भएअनुसार देशभर जंगलको क्षेत्रफल ४६.०८प्रतिशत रहेको छ भने बागमती प्रदेशमा ५८.६२ प्रतिशत रहेको छ ।
