- वि.सं Invalid date format
साढे सात किलो लागुऔषध गाँजासहित प्रहरीले बाराबाट एकजनालाई पक्राउ गरेको छ। बुधबार दिउँसो करिब ३ बजे जितपुरसिमरा उपमहानगरपालिका–१, पथलैया चोकमा चेकजाँचका क्रममा प्रहरीले ना५ख४८२२ नम्बरको बस तलासी लिँदा उक्त गाँजा बरामद गरेको हो।
नारायणघाटबाट मलंगवा जाँदै गरेको बसमा सवार सर्लाही विष्णु गाउँपालिका–३, मधुवनगोठका ५४ वर्षीय वीरेन्द्र चौधरीमाथि शंका लागेपछि खोजतलास गर्दा झोलाभित्र लुकाएर राखिएको ७ किलो ४७० ग्राम गाँजा फेला परेको जिल्ला प्रहरी कार्यालय बाराका प्रवक्ता प्रहरी नायब उपरीक्षक विजयराज पण्डितले जानकारी दिएका छन्।
