- वि.सं २o८२ असार १६ सोमबार
इरान–इजरायल युद्धले अन्तर्राष्ट्रिय बजारमा बढेको कच्चा तेलको मूल्यको असर नेपाली बजारमा पनि परेको छ । आयल निगमले सोमबार रातीबाट लागू हुने गरी पेट्रोलियमको मूल्य समायोजन गर्दा भारी मात्रामा वृद्धि गरेको छ ।
निगमले विज्ञप्तीमार्फत दिएको जानकारी अनुसार पेट्रोलमा ५ र डिजेल तथा मट्टितेलमा समान ४ रुपैयाँ प्रतिलिटरले बढाएको छ । जसअनुसार पेट्रोलको मूल्य काठमाडौं उपत्यकामा १६५ तथा डिजेल/प्रतिलिटरको १४९ प्रतिलिटर पुगेको छ।
त्यस्तै आन्तरिक हवाइ इन्धन ७ र त्रिभुवन बिमानस्थलमा उडान भर्ने अन्तर्राष्ट्रिय बिमानका लागि प्रतिकिलोलिटर ५१ डलरले मूल्य बढाइएको छ । मूल्य बढेपछि काठमाडौं उपत्यकामा पेट्रोल १ सय ६५, डिजेल तथा मट्टितेल १ सय ४९, हवाइ इन्धन १ सय २५ र अन्तर्राष्ट्रिय हवाइ इ्रन्धन ९ सय १ डलर प्रतिकिलोलिटर पुगेको छ ।
