‘गाजाको स्वास्थ्य सेवा प्रणाली पूर्ण पतनको संघारमा’

रेडक्रसको अन्तर्राष्ट्रिय समिति (आइसिआरसी)ले डेढ वर्षभन्दा बढी समयदेखि प्यालेस्टिनीहरूविरुद्ध इजरायलले गरेको नरसंहारको एक हिस्साका रूपमा गाजाको स्वास्थ्य सेवा प्रणाली पूर्ण पतनको संघारमा रहेको चेतावनी दिएको छ।

एक विज्ञप्ति जारी गर्दै आइसिआरसीले अधिकांश घाइते प्यालेस्टिनीहरू सहायता वितरण केन्द्रमा पुग्ने प्रयास गरिरहेका बताएको छ। आइसिआरसीले विगत केही दिनदेखि गाजामा सीमित स्रोत साधनका बीच सञ्चालन भइरहेको केही अस्पताल वरपर आक्रमण बढेकाले स्वास्थ्य सेवा सुविधाहरूको संरक्षणका लागि थप ज्यान गुमाउनबाट जोगिन आह्वान गरेको छ।

यसले चिकित्सक तथा स्वास्थ्य कर्मचारीहरूले जीवन बचाउन ठुलो चुनौतीको सामना गर्नुपरेको उल्लेख गर्दै उनीहरूको सुरक्षा र अस्पतालको सञ्चालन खतरामा पारेको कुरामा जोड दिएको छ।

ठुलो संख्यामा घाइते बिरामीहरूको आगमनले मेडिकल स्टाफलाई थकित पारेको समितिले उल्लेख गरेको छ। पछिल्लो दुई हप्तामा रफाहको आइसिआरसी फिल्ड अस्पतालमा प्राप्त बिरामीहरूको संख्या ९१६ भन्दा बढी छ। तीमध्ये ४१ जनालाई अस्पताल आइपुगेपछि मृत घोषणा गरिएको थियो।