- वि.सं २o८२ भदौ ४ बुधबार
तामाङ पहिचान दिवसको अवसरमा भदौ ५ र ६ गते नेपाल प्रज्ञा प्रतिष्ठन, कमलादीमा १०औँ तामाङ ज्ञान महोत्सव हुने भएको छ।
दुईदिने ज्ञान महोत्सवको अवसरमा भाषा आयोगका पूर्वसदस्य अमृत योन्जन तामाङ र कोर्नेल विश्वविद्यालय मानवशास्त्र विभागका प्राडा क्याथरिन एस मार्चको विद्वत् प्रवचन हुनेछ। साथै, थुप्रै तामाङ र गैरतामाङ विद्वानहरूले १८ वटा कार्यपत्र, तीनवटा समूह छलफल, एउटा अन्तर्वार्ता प्रस्तुत गर्नेछन्।
समसामयिक विषयमा प्यानल छलफल, अन्तर्वार्ता, ताम्बा र झाँक्री (बोम्बो)ले लोकगीत (सेराप)समेत प्रस्तुत गर्ने १०औँ तामाङ ज्ञान महोत्सव मूल आयोजक समिति संयोजक निष्णु थिङले बताए।
१९८९ भदौ ६ गते तत्कालीन प्रधानमन्त्री भीमशमशेर राणाले तामाङ लेख्न–लेखाउन इस्तिहार जारी गरेकाले सो दिनलाई पहिचान दिवसको रूपमा मनाउने गरिएको छ।
